Хятадын олон улсын өргөн хэрэглээний бараа бүтээгдэхүүний Ⅴ үзэсгэлэн 04-р сарын 13-ны өглөө Хятадын Хайнань мужийн Хайкөү хотод нээгдэв. Өвөр Монгол 37 компаниудыг зохион байгуулж үзэсгэлэнд оролцож, худалдан авалтын талаар хэлэлцээр хийсэн байна.
Он гарснаас хойш Хятад улсад зохион байгуулагдаж буй анхны олон улсын томоохон үзэсгэлэнгийн хувьд тус үзэсгэлэнд дэлхийн 70 гаруй улс орон, бүс нутгаас 1700 гаруй аж ахуйн нэгж, 4100 гаруй брэнд оролцож,дэлхийн топ 500-ны 65 аж ахуйн нэгжүүд оролцсон нь өмнөх хуралдаанаас өссөн үзүүлэлт болсон юм.
- Өргөн хэрэглээний бараа бүтээгдэхүүний үзэсгэлэн нь өргөн хэрэглээний бараа бүтээгдэхүүн сэдэвтэй үндэсний хэмжээний үзэсгэлэн юм. Энэ удаад бид аймаг, хотуудаас гол худалдан авагч компаниудыг авчирлаа. Энэхүү удаагийн үзэсгэлэнгээр холбогдох үйл ажиллагаа явуулахын зэрэгцээ бид өргөн хэрэглээний барааны үзэсгэлэнгийн платформыг ашиглан дэлхийн чанартай өргөн хэрэглээний бараа бүтээгдэхүүнийг Өвөр Монголын зах зээлд илүү ихээр нэвтрүүлж, ӨМӨЗО-ны хэрэглээг өргөжүүлэн сайжруулахад тус дэм үзүүлнэ гэж найдаж байна. Энэ жил мөн Өвөр Монголд Хятад Монголын Ⅴ экспог зохион байгуулах гэж байна. Өргөн хэрэглээний бараа бүтээгдэхүүний үзэсгэлэнгийн энэ боломжийг ашиглан бид Хятад, Монголын экспог илүү сонирхолтой болгохын тулд илүү сайн арга, туршлага суралцахаар ч ирсэн гэж ӨМӨЗО-ны Худалдааны газрын гадаад худалдааны хэлтсийн дарга Дин Шяолүн танилцуулсан байна.
Энэхүү удаагийн өргөн хэрэглээний барааны бүтээгдэхүүний үзэсгэлэн нь "Нээлттэй боломжуудыг хуваалцаж, хамтдаа сайхан амьдралыг бий болгоё" урианы дор болж байгаа юм. Үзэсгэлэнгийн талбай нь дижитал хэрэглээ, эрүүл хэрэглээ, ногоон хэрэглээ зэрэг шинээр гарч ирж буй хэрэглээний салбаруудыг хамарч байна. Ази, Номхон далайн бүс нутгийн өргөн хэрэглээний бараа бүтээгдэхүүний хамгийн том үзэсгэлэнгийн хувьд энэ удаагийн үзэсгэлэн нь мөн анх удаа хиймэл оюун ухааны үзэсгэлэн, агаарын богино орон зайн эдийн засгийн үзэсгэлэнг зохион байгуулах тусгай бүсүүдийг зохицуулжээ. Дэлхийн хэрэглээний электроник, дэвшилтэт технологийн салбарт тэргүүлэгч 20 гаруй компани гэр үйлчилгээний робот, эрүүл мэнд, үүлэн компьютер, гэрийн аюулгүй байдал болон бусад бизнесээ дэлгэн үзүүлсэн байна.
